PART 5

Mbiungc-Suiv-Imx—Haaix Dauh Muangx? Haaix Dauh Maiv Muangx?

Yiem Noyaa nyei ziangh hoc, mienh camv kungx zoux waaic hnangv. Tin Deic Douh 6:5

Orqv fin-mienh yienc sin daaih caux m’sieqv dorn nziaauc

Aaˆndam caux Haawaa maaih fu’jueiv, liuz mienh maanh yiem baamh gen hiaangx jienv faaux. Jiex daaih, maaih deix fin-mienh gan jienv Saadaan caux Tin-Hungh doix-dekc.

Ninh mbuo njiec baamh gen daaih yienc ninh mbuo nyei sin benx baamh mienh m’jangc dorn weic zuqc ninh mbuo oix longc baamh mienh m’sieqv dorn zoux auv. Naaic deix m’sieqv dorn yungz duqv dorn daaih gengh! hlo hlang gau yaac ciouv yaac henv.

Maaih dauh fu’jueiv-dorn mborqv dauh m’sieqv dorn hlorpv jienv gu’nguaaz; Nefin Mienh, orqv fin-mienh nyei dorn-jueiv, zoux ciouv

Lungh ndiev ziouc maaih mienh zoux waaic camv. Ging-Sou gorngv: “Lungh ndiev mienh zoux waaic sic camv. Hnyouv haaix zanc kungx hnamv cuotv waaic nyei jauv hnangv.”

Noyaa muangx Tin-Hungh ziouc gapv poux nzangv. Tin Deic Douh 6:13, 14, 18, 19, 22

Noyaa se zoux dauh kuv mienh. Yeˆhoˆwaa mbuox Noyaa ninh oix yiemx lungh ndiev mietc nzengc orqv mienh.

Noyaa caux ninh nyei hmuangv-doic gapv nzaangv

Tin-Hungh yaac mbuox Noyaa gapv poux domh nzangv daaih dorh ninh nyei hmuangv-doic caux nyungc-nyungc saeng-kuv hieh zoih bieqc gu’nyuoz.

Noyaa donv mienh camv Mbiungc-Suiv-Imx oix yiemx aqv mv baac ninh mbuo jatv ninh

Noyaa zunh mbuox mienh camv mbiungc-suiv-imx oix yiemx lungh ndiev aqv, mv baac ninh mbuo maiv muangx. Maaih deix jatv Noyaa. Maaih deix nzorng ninh.

Noyaa caux ninh nyei hmuangv-doic dorh saeng-kuv hieh zoih bieqc nzaangv

Gapv ziangx nzangv liuz, Noyaa dorh saeng-kuv hieh zoih bieqc nzangv gu’nyuoz.