Kam la abʼaneʼ aqʼal uvaʼ la iloch axh junun unqʼa chusbʼaleʼ
Chus u folletoeʼ vaaʼ tukʼ ilochbʼal umaʼl Texhtiigo. La uch ajajat achusbʼal tiʼ u Bibliaeʼ te u xaoleʼ veʼ kat aqʼon u folletoeʼ see o la uch ajajataʼ tu qatimbʼaleʼ tu Internet, jw.org.
BʼAXA PARTE
Sikʼle kajayil unqʼa párrafoeʼ. Ataj chʼot tziʼ veʼ at número stiʼ (A) tukʼaj texto tu Bibliaeʼ veʼ qʼejux ikaʼyeʼ (B) veʼ nikʼuchun unqʼa txumbʼaleʼ veʼ nim talcheʼ. La eeleʼ veʼ kʼatz kaʼlaj texto nichee umaʼl tzʼibʼ veʼ ni alon vaʼ la sikʼleli.
KAʼPA PARTE
U bʼaxa párrafoeʼ tu uveeʼ veʼ nitaleʼ: «Chus eebʼ imaas» nital isuuchil kam xekel veʼteʼ (C). Unqʼa subtítuloeʼ veʼ at i-número aʼeʼ nikʼuchun abʼiste unqʼa txumbʼaleʼ veʼ nim talcheʼ (D). Sikʼle unqʼa textoeʼ tu Biblia, tzaqʼbʼe unqʼa chʼot tziʼeʼ as il unqʼa videoeʼ (E).
Bʼan eelat unqʼa vatzibʼaleʼ as la sikʼle unqʼa tzʼibʼeʼ veʼ at skʼatz (F), as itzʼa kam la oolbʼe atzaqʼbʼet «Uveeʼ veʼ nital kaʼlaj xaol» (G).
TOXPA PARTE
Unqʼa chusbʼaleʼ nitzojpeʼ tukʼ uveeʼ veʼ nitaleʼ: «Uveeʼ veʼ kat kuchusa» tukʼ uveeʼ «Kam nitul sakʼuʼl» (H). Tul la tzojpu axh tiʼ ichuspu junun chusbʼal la tzʼibʼa u fechaeʼ. Tu recuadroeʼ «Kam nukoj abʼan uvaaʼ» la alax isuuchil see kam la uch abʼanataʼ aqʼal la chʼii atxumbʼal tu chusbʼaleʼ vaaʼ (I). Tu uveeʼ veʼ nitaleʼ: «Ootzi kaʼtaj kam» la lej kaʼtaj artículo tukʼaj video veʼ la txakon seeʼ (J).
Kam la oolbʼe alejat umaʼl texto tu Bibliaeʼ
Tul la eel umaʼl texto tu folletoeʼ bʼaxa chituʼ nichee vibʼii u libroeʼ(A), tikaʼpa u capítuloeʼ (B), titoxpa u versículoeʼ o unqʼa versículoeʼ (C). Echkoleʼ, Juan 17:3 aʼ niyolonkat tiʼ «u libroeʼ veʼ Juan, capítulo 17, versículo 3».