MAJAN 1
¿Tzet chuh jabʼen tzet chal Komam Dios?
Komam Dios stzotel yaʼ sat teʼ Biblia tet sunil anma (2 Timoteo 3:16)
Snabʼal Komam Dios ayiktoj yul huneʼ teʼ hum ay yelapnojal yeyi. Haʼ teʼ Biblia. Winaj hebʼ yaʼ xʼoknikoj yuh yaʼ stzʼibʼnhelax teʼ. Yul teʼ ay tzetet kaw yilal yeyi, choche Komam Dios ta xhjotajnhe.
Mach mak ekʼbʼal yohtajbʼal sataj Komam Dios. Haʼ yaʼ ohtajnhe tzetet chʼaʼnoj skʼulal ayonh. Ta xhjabʼe tzet chal yaʼ, stʼinhanilxa xhjubʼ (Lucas 11:28; Santiago 3:17).
Choche yaʼ ta sunil anma xhkuyni teʼ Biblia. Yuxin ayxa teʼ yinh txʼihal abʼxubʼal.
Ta xhjoche jabʼeʼ tzet chal Komam Dios, yilal kokuyni teʼ Biblia kat kotxumniloj teʼ yinh kʼul.
Sunil sat txʼotxʼ txʼotxʼ ay anma aykoj yabʼen tzet chal Komam Dios (Romanos 10:18)
Hebʼ yaʼ testigo de Jehová chuh skolwahoj hebʼ yaʼ ta winh yuh hatxumnuj teʼ Biblia.
Sye hebʼ yaʼ syelal yibʼanhiloj Komam Dios sunil sat txʼotxʼ txʼotxʼ.
Chuh hawotajnhen yaqʼbʼilxa yibʼanhiloj Komam Dios ta chach apni yinh syambʼabʼahil hebʼ yaʼ Testigo. Matanil yeh sunil kuybʼanile.