MAJAN 8

¿Tzet yuxin xkam yaʼ Jesús?

Xkam yaʼ Jesús yunhebʼal chuh jehojkʼoj sunilbʼal qʼinal (Juan 3:16)

Qʼahan hebʼ yaʼ ix lanhan yilniktoj yul spantyon yaʼ Jesús yajaʼ matxaktoj yaʼ yul

Oxebʼxa tzʼayik skam yaʼ Jesús, xbʼeykʼoj qʼahan hebʼ yaʼ ix bʼay ay spantyon yaʼ yajaʼ matxaktoj yaʼ yul. Xax pitzkʼalaxkanh yaʼ yuh yaʼ Jehová.

Yaʼ Jesús syeh yaʼ sbʼah tet hebʼ yaʼ apóstoles bʼoj lawituʼ stohkanoj yaʼ satkanh

Tzujanxa syenipaxoj sbʼah yaʼ tet hebʼ yaʼ apóstol.

Matxa chibʼe bʼoj bʼajoj yuh spitzkʼakanh yaʼ. Hanhkʼanhe hebʼ yaʼ tzujan yinh yaʼ xʼilni stokanoj yaʼ yul satkanh. Tinanh matxa chuh jilni yaʼ kaw aykanoj yip yaʼ bʼoj matxa bʼaqʼinh xhkamoj yaʼ.

Xpitzkʼakanh yaʼ Jesús yuh yaʼ Jehová yanipaxkoj yahawiloj huneʼ Reino yet Komam Dios (Apocalipsis [Revelación] 11:15)

Yulta stzʼonhobʼal yaʼ Jesús yul Reino chʼok yaʼ yahawoj anma yul paraíso sat txʼotxʼ txʼotxʼ

Yaʼ Jesús xaʼ yaʼ sqʼinal yuh skolniltij yaʼ anma tet mule bʼoj kamikal (Mateo 20:28). Yichʼan Dios yuh huneʼ tuʼ, Komam Dios chalte yaʼ huneʼ qʼinale mach stanhbʼal jet.

Yaʼ Jehová sikʼlen yaʼ Jesús yuh yokoj yahawoj txʼotxʼ txʼotxʼ. Skʼatanh yaʼ, 144,000 anma yijyom xhpitzkʼalaxojkanh yuh stoj satkanh. Yaʼ Jesús bʼoj hebʼ yaʼ tiʼ xhwatxʼenayoj huneʼ gobierno: Reino yet Komam Dios (Apocalipsis [Revelación] 14:1-3).

Huneʼ Reino tiʼ swatxʼeʼloj txʼotxʼ txʼotxʼ yinh huneʼ paraíso. Matxa howal, anma txʼoj, mebʼaʼil bʼoj nhohchalal. Anma kaw tzalalalxanhetikʼa chilaʼ (2 Pedro 3:13).