¿Chabʼe yaʼ Jehová tzet xhjala?

Komam Dios chabʼetoj yaʼ kotxahli (1 Pedro 3:12)

Chabʼetoj yaʼ Jehová tzet xhjala (Salmo 65:2). Choche yaʼ ta xhjal tet yaʼ tzetet ayaytoj yinh janma.

Yetwanoj hatxahli tet yaʼ Jehová, mach tet hunujxa maka.

Kaw txʼihal tzetet chuh kotzoten tet Komam Dios (1 Juan 5:14)

Qʼana ta pet chijsbʼa tzet choche yaʼ yubʼ yinh txʼotxʼ txʼotxʼ, hakaʼtikʼa lanhan yuni satkanh.

Txahlanh yinh sbʼih yaʼ Jesús. Haktuʼ chuh hayenojiltoj ta kaw nimejal ta wet tzet yuh yaʼ ta winh.

Qʼana ta xhkolwa yaʼ ta winh yuh hawuni bʼaytet skʼulal. Qʼana ta xhchaloh hamunil, bʼay chach ehi, xilhaqʼap bʼoj tzet chaloh. Chuh haqʼannipaxoj ta chaʼ yaʼ yip hebʼ yaʼ txʼoj yeyi.