Yaʼ Jehová xatij Yaʼ huneʼ ko Kolomal

29 Huneʼ bʼabʼel anma espiritual watxʼebʼil yu Komam Jahaw, haʼ xʼoknikoj hakatikʼa bʼabʼel yuninaloj Komam Jahaw.

Kaw aykoj yanma Komam Jahaw yinh skʼahol. Chaʼakoj Komam Jahaw yul sqʼabʼ Yaʼ stanhbʼal anma txʼoj, kat skolnoj Yaʼ anma yijyom (Juan 3:16, 36).

30 Komam Jehová schejnitij Skʼahol yunhebʼal spitzkʼakanh sat Txʼotxʼ txʼotxʼ. Hesus xʼalaxkoj sbʼihoj. Malin sbʼih smiʼ Yaʼ (Lucas 1:30-35).

31 Yet xchʼibʼ yaʼ Hesus, txʼihal tzetet skʼulal skuy Yaʼ tet anma. Skuytze Yaʼ anma ta hanhkʼanhe yaʼ Jehová, ha Yaʼ Komam Jahaw yinh stʼinhanil (Marcos 12:29, 30).

Xalni yaʼ Hesus ta hanhkʼanhe ha yaʼ Jehová chu ko haqʼeni (Mateo 4:10; Juan 4:23, 24).

Skuytze pax Yaʼ anma yinh Sreyno Komam Jehová (Lucas 17:20, 21).

32 Kaw txʼihal skʼulal xu yaʼ Hesus; xanhte Yaʼ anma aykoj syabʼil. Mach tzetet stxʼojal skuy Yaʼ (Hechos 10:38; 1 Pedro 2:21, 22). Yajaʼ, ¿Tzet chu honh skolni Yaʼ tet ko mul bʼoj tet naj kamikal?

33 Xalte Yaʼ huneʼ xahanbʼalil tet Komam Jahaw, yunhebʼal skolcha anma kʼul. Yet payxa, xalni Komam Jahaw tet anma ta chalte noʼ noqʼ yinh xahanbʼalil, yu smul (Hebreos 7:25, 27).

34 Yaʼ Hesus, mach xalte Yaʼ noʼ noqʼ sxahanbʼalil. Ha Yaʼ xaltesbʼa yinh xahanbʼalil ju (Mateo 20:28; Hebreos 10:12).

¿Ha wohtajmi tzet yu?