Chul huneʼ skʼulal sat Txʼotxʼ txʼotxʼ yu huneʼ naj Rey ay yul syelo

41 Xʼok yaʼ Hesus Reyal yul syelo yu Komam Jehová (Isaías 9:6; Daniel 7:13, 14; Hechos 2:32-36).

42 Chʼokoj Yaʼ yahawoj Txʼotxʼ txʼotxʼ (Daniel 7:14; Mateo 28:18).

43 ¿Xhtit yul ha kʼul tzet chubʼ stanhoj anma txʼoj? (Salmo 37:9, 10; Lucas 13:5).

44 ¿Xhtit yul ha kʼul tzet sbʼih naj bʼabʼel ángel xakoj smul? Huneʼ ángel tiʼ chiʼaloj yaʼ Hesus sat yibʼanh qʼinal bʼoj yaqʼbʼilxa yetbʼi. Sunil echele hebʼnaj yetbʼi naj tiʼ bʼoj stiyoxhteʼ, xhtanhojiloj (Hebreos 2:14; Revelación 20:2, 10).

45 Txihal tzetet kʼul swatxʼe yaʼ Hesus tet anma yijyom (Hebreos 5:9).

46 Matxa xhjabʼe sbʼina naj yabʼil (Isaías 33:24; Revelación 22:1, 2).

¿Xhtit yul ha kʼul yet xanhten yaʼ Hesus anma aykoj syabʼil?

47 Yet huneʼ qʼinale tuʼ, sunil skʼulal tzetet schabʼ anma (Isaías 65:17, 21-23).

48 Snabʼtij Komam Jahaw anma kamnajxa. Chaʼaʼ yaʼ Hesus hunekxa sqʼinal anma kamnaj, yu syipal Komam Jahaw. Ha huntiʼ xhal-lax pitzkʼahilehal (Juan 5:28, 29; 11:25).

49 Yet matxa mak xhmunlanhenoj naj stxʼojal, matxa mak xhkamoj. Bʼoj matxa xhowbʼiloj noʼ stelajil noqʼ yinh anma. Hato tuʼ xhtzalahoj skul anma yinh sunilbʼal qʼinale (Revelación 21:4; Isaías 65:25; Salmo 37:11, 29).