¿Tzet wal ha wuni tinanh?

50 ¿Chim ha woche ehoj sat huneʼ paraíso yinh stohbʼal qʼinale tiʼ?

Yuxin kam kuy tzet chal Komam Jahaw. Iptze ha bʼa ha kuyni Stzotiʼ Komam (Juan 17:3; Revelación 1:3).

51 Kam kuy ha wohtajnhen mak yaʼ Hesus (Deuteronomio 18:18, 19; Juan 3:16; Hechos 3:19-23).

52 Kuytze ha bʼa ha wuten skʼulal, bʼoj ye tet Komam Jehová ta yijyom hach tet Yaʼ (Romanos 6:17, 18, 22).

53 Ha wohtajxa xin, Komam Jehová, mach choche Yaʼ ta xhko potxʼ huneʼ jet anmahil (Éxodo 20:13; 1 Juan 3:11, 12).

54 Mach chu jiniloj tet hunxa anma huneʼ tzetet mat jetoj (Éxodo 20:15; Efesios 4:28).

55 Mach hunoj naj winaj chu shunbʼansbʼa yinh huneʼ ix ix, ta mat mohyinajoj (Éxodo 20:14, 17; 1 Tesalonicenses 4:3).

56 ¿Xhtit yul ha kʼul hantaj ixale choche Komam Jahaw yaʼaʼ tet naj winaj? ¿Hantaj tyempo shunbʼasbʼa naj winaj skʼatanh ix ix yet xhmohyi? (Génesis 2:22, 24; Mateo 19:5, 6; 1 Corintios 7:2, 10, 11).

57 Tijabʼ pax yinh ha kʼul xin tato hanhkʼanhe ha Komam Jehová chu ko haqʼeni (Mateo 4:10; 1 Corintios 8:6).

58 Tiyoxhteʼ bʼoj yechel tiyoxh, mach chu honh skolni. ¿Tzet yu? (1 Corintios 8:4).

¿Taxka kʼul ta xhjaktoj tiyoxhteʼ yul jatut? (Deuteronomio 27:15; 1 Juan 5:21).

59 ¿Tzet yuxin txʼoj ta xhjakoj hunuj tzetet ko mayoj yu honh skolni? (Deuteronomio 18:10-13; Revelación 21:8).

60 Ay hunqʼahan hebʼnaj ángeles xacojsbʼa yinh stxʼojal, xpakʼikoj hebʼnaj yinh Komam Jahaw. Hebʼyaʼ ahbʼelom xhmunlayi, yunhebʼal subʼcha anma yu hebʼnaj matzwalil (Hechos 16:16).

61 Kaw yilal xhjixma janma tet Komam Jahaw. Haktuʼ chu ko tzotel tet Komam Jahaw, kat jaltenkobʼa yinh schejabʼoj, bʼoj ko qʼanni ko kawil (Filipenses 4:6, 7).

62 Kaw yilal xhko yijye tzet chal yaʼ Hesus, kat janikoj janma yinh Yaʼ (Hebreos 5:9; Juan 3:16).

63 Tijabʼ xin yinh ha kʼul, xaʼ kamoj sbʼa yaʼ Hesus yunhebʼal ko kolchayi (Romanos 5:8).

64 Tijabʼ xin yinh ha kʼul, ko Rey yaʼ Hesus. Mach chu ju jilni Yaʼ. Kaw yilal ko yijyen tzet chal Yaʼ (Filipenses 2:9-11; Revelación 19:16).

65 Xalni yaʼ Hesus ta sunil tzetet kʼul lanhan ko kuyni tiʼ, kaw yilal jalni tet hunxa anma, yunhe ta ay mak chʼochen chʼok schejabʼoj Komam Jahaw, chaʼ bautisarsbʼa (Mateo 28:19, 20; Juan 4:7-15).

66 Yuxin sunil tzetet kʼul xa kuyu, chu ha walni tet hebʼ ha wetbʼi (Mateo 10:32).

67 Ta cha kuy ha wilni tzʼibʼ, kaw txʼihal tzetet kʼul cha wohtajnheloj, haktuʼ chu ha waʼni huneʼ kuybʼanil kʼul tet hunxa anma (2 Timoteo 2:15).

68 Yaʼ Hesus, skuy Yaʼ nixhtej unin yunhebʼal syijye tzet chal Komam Jahaw. Xaʼ Yaʼ styempo. Kaw xakoj Yaʼ yanma yinh smunil Smam (Mateo 19:13-15).

69 Kaw yilal skuyni mame miʼe yuninal, yunhebʼal chakoj yanma yinh Komam Jahaw, kat syijyen sley (Deuteronomio 6:6, 7; Proverbios 6:20-22; Efesios 6:4).

70 Tinanh xin nanan slow spujbʼalax Stzotiʼ Komam Jahaw yu hej anma xhla munlanheni. Txʼihal kuybʼanile machkoj yinh Stzotiʼ Komam Jahaw. Komam Jehová, chonh yawtetij Yaʼ sat huneʼ religión mach chakoj skuybʼanil yinh hakaʼ chal Stzotiʼ Yaʼ (Revelación 18:4; Juan 4:23, 24).

71 Yu Komam Jehová yuxin ay anma aykoj schejabʼoj Yaʼ sat Txʼotxʼ txʼotxʼ tiʼ, yunhebʼal chach skuy hebʼyaʼ ha wohtajnhen Yaʼ. ¿Ha wohtaj maktaj hebʼyaʼ? (Hechos 15:14; Romanos 10:14, 15).

72 Haʼ hebʼyaʼ testigos de Jehová. Aqʼanhkʼulal ye hebʼyaʼ yinh hunun. ¿Ha wohtajmi tzet yu? Yu ayko yanma hebʼyaʼ yinh hunun (Isaías 43:10-12; Juan 13:34, 35).

73 Haxka ayko yanma yinh Komam Jehová yuxin chaʼ bautisarsbʼa hebʼyaʼ. Haktuʼ chu syeni tet sunil anma ta matxa smunlanhe hebʼyaʼ naj stxʼojal, kat yochenkanh hebʼyaʼ yaʼaʼ sunil sqʼinal syijyen Komam Jahaw (Hechos 2:41).

74 Hebʼyaʼ testigos de Jehová chechma hebʼyaʼ huneʼ akʼ qʼinal yul huneʼ paraíso kaw kʼul (Salmo 37:9-11, 29).

Ta cha woche ha wilaʼ ha bʼa yul huneʼ paraíso skʼatanh hebʼyaʼ, ¿Tzet wal ha wuni tinanh? (Santiago 1:22, 25; 2:20-26).

75 Kuytze ha bʼa ha yijyen Komam Jehová yinh hebʼyaʼ. Chakoj hebʼyaʼ yinh yanma syijyen tzet chal Komam Jehová bʼoj yaʼ Hesucristo. ¿Cha wakoj hebʼyaʼ yinh ha wanma? ¿Chim ha woche ha koloʼ hunxa anma yunhebʼal yohtajnhen Komam Jahaw? (Juan 6:45-47).

76 Komam Jehová bʼoj yaʼ Hesucristo chach yoche hebʼyaʼ. Sqʼan skʼul hebʼyaʼ ta cha wiʼ huneʼ qʼinal mach stanhbʼal sat huneʼ paraíso (Juan 3:16).

Wal tinanh xin, haxkam xax ha wil sunil echele bʼoj kuybʼanile ay sat huneʼ hum tiʼ, kawxam ha woche huneʼ akʼ qʼinal yibʼanh Txʼotxʼ txʼotxʼ tiʼ. Ta sqʼan ha kʼul kam ha kuyni sunil hunqʼahan tiʼ, kaw chim jochehan ta cha say hebʼyaʼ testigos de Jehová bʼay ayach. Maka chu ha wanitoj hunuj ha wum bʼay hunuj ehobʼal qʼa kawil yekoj ta winh hakaʼ chu syeni huneʼ sbʼisil ehobʼal aykoj yinh skabʼ xaj huneʼ hum tiʼ.