¿Tzet chuh hayeniltoj ta yinh yaʼ Jehová ayachkoj?

Akoj habʼah yetbʼihoj Komam Dios (1 Pedro 5:6-9)

Yilal mach chonh xiw janikanoj tzetet chekʼtze anma ta machiktoj yul teʼ Biblia.

Mach chawaktoj habʼah xol politika. Yinhnhe yaʼ Jehová bʼoj Sreino chach kolwakoj.

Sikʼle yinh kʼul: abʼetoj tzet chal Komam Dios (Mateo 7:24, 25)

Askʼanabʼ yinh syambʼabʼahil hebʼ yaʼ testigo de Jehová. Xhkolwahojkoj hebʼ yaʼ ta winh yuh hawotajnhenoj Komam Dios.

Kam otajnhe yibʼanhiloj Komam Dios kat hayijyen chejbʼanile aykanoj yuh yaʼ.

Yet qʼaʼxa chawaʼ yuluj hakʼul, al tet yaʼ Jehová ta chʼoknojkoj haqʼinal yuh hayijyenoj tzetet chal yaʼ kat hawaʼni bautizar habʼah (Hechos 8:12).

Abʼe tzet chal Komam Dios. Kuy teʼ Biblia kat haqʼanni tet hebʼ yaʼ testigo de Jehová ta xhkolwakoj hebʼ yaʼ ta winh yuh hatxumnuj teʼ yinh kʼul. Ta chayijyeʼ tzetet chakuyuʼ, chach ehoj sunilbʼal qʼinal (Juan 17:3).