Jan

11 “Mi naa go de iina di worl no langga, mi a kom tu yu, bot dem stil a-go de iina di worl. Faada we uoli, mi a beg yu, du, gyaad dem an mek dem wok tugeda az wan jos laik ou mi an yu wok tugeda az wan, so dat nobadi kyaahn disrispek yu an av notn bad fi se bout yu niem, da sed niem de we yu gi mi. 12 Wen mi did di de wid dem, mi yuus tu gyaad dem an luk afta dem so dat nobadi no disrispek yu an av notn bad fi se bout yu niem, da sed niem de we yu gi mi. Mi gyaad dem an non a dem neehn laas. Bot fi mek we di skripcha dem se fi apm apm fi chuu, a onggl wan a dem naa go get siev. A im a di wan we a-go gaan fi eva kaaz a we im du. 26 Mi mek dem nuo yu niem, an mi naa go tap mek dem nuo uu yu bi, so dat dem kyan lov dem wan aneda jos laka ou yu lov mi so dat mi an dem kyan wok tugeda az wan.”