Wa Wi Afi Du fi Mek Gad Api?

Kip we fram eniting we bad. 1 Korintiyan 6:9, 10

Ef wi lov Jeuova, wi naa go du di ting dem we im iet.

Jeuova no waahn wi fi tiif, get jongk ar tek jogz.

Gad iet morda an wen a pregnant uman abaat ar pikni. No onggl dat, bot im iet wen uman av seks wid uman, an man av seks wid man. Im no laik wen wi waahnti-waahnti an wen wi fait wid wi wan aneda.

Wi no fi worship aidal naar miks op wiself wid iivl spirit.

Iina di Paradais we suun kom pan di ort, Gad no av no ruum iina it fi piipl we du badnis.

Du gud tingz. Matyu 7:12

Ef wi waahn fi mek Gad api, wi afi chrai wi bes fi du tingz laik ou im wuda du it.

So, wi fi shuo lov tu ada piipl. Ou? Wi fi shier an gi wid a frii an.

Bi anis.

Av morsi pan piipl, an figiv wan aneda.

Taak tu ada piipl bout Jeuova, an tel dem ou im stie.​—Isaiah 43:10.