SANG 4
Jeuova A Mi Shepad
(Psalm 23)
1. Jeuova Gad a mi Shepad.
Mi go eniwe im liid.
Im andastan evriting bout mi;
Im nuo wa mi riili niid.
An wen mi fiil sad, im osh mi.
Im aalwiez tek taim wid mi.
An im gaid mi, mek mi fain piis an res.
Im mek mi fiil riili frii.
Im gaid mi, mek mi fain piis an res.
Im mek mi fiil riili frii.
2. Jeuova Gad, yu protek mi.
Du elp mi so mi no schrie.
An wen di chraial dem tek mi, Laad,
Pliiz elp mi fi go yu wie.
Yu chrang inof fi protek mi;
Yu kain, an yu kier fi mi.
An no kier ou aad tingz get iina laif,
A yu, Ja, a kyari mi.
No kier wa riich mi iina mi laif,
Mi chos yu fi kyari mi.
3. Jeuova Gad, yu a fiid mi;
Yu gi mi di tingz mi niid.
Di tingz yu tiich mi a elp mi kuop.
Mi fala yu we yu liid.
Mi nuo fi shuor se yu lov mi,
An so mi chos aal yu du.
Nou, mi beg yu, Ja, fi tek kier a mi;
Mi aalwiez waahn fala yu.
Mi beg yu, Ja, fi tek kier a mi;
Mi aalwiez waahn fala yu.
(Riid Ps. 28:9; 80:1 tu.)