Di Kindom Siid dem we Wi Plaant

1. Krais Jiizas, wi Maasta, invait wi

Fi priich an fi fala im liid.

A so wi komiin laik wan faama

We plaant op im grong ful a siid.

Jeuova a sorch fi piipl we waahn

Fi lorn bout im wiez an di chuut.

So, kom mek wi elp im fi fain ombl aat

So di siid dem kyan bier an tek ruut.

2. Wan faama we plaant op im fiil dem

Av nof wok fi du afta dat.

A siem so wi jos afi tek taim

Fi waata di siid we wi plaant.

Wi waahn gi di siid di bes chaans fi gruo;

Wi lov piipl, tiich dem di wie.

Wi elp dem fi diil wid di presha dem fies;

Den wi wach az dem gruo evri die.