Wa yu fi du fi mek shuor se yu get evriting outa dem Baibl lesn ya?
Mek sumadi yuuz it fi stodi wid yu: Yu kyan aks di sumadi we gi yu di buk fi stodi wid yu, ar yu kyan go pan wi websait, jw.org/jam-x-jcr, an sain op fi wan Baibl stodi.
DI FOS PAAT A DI LESN
Riid aal a di paragraaf dem, di kwestiyan dem (A), an di skripcha dem (B). An yu a-go si se som a di skripcha dem av saida it se yu fi riid it.
DI SEKAN PAAT A DI LESN
Di fos sentens (C) we kom anda Lorn Som Muo a-go mek yu nuo wa da paat ya bout. Dem tapik ya (D) mek yu nuo di sitn dem we wi a-go taak bout iina da paat ya. Riid di skripcha dem, ansa di kwestiyan dem, an wach di vidiyo dem (E).
Luk pan di picha dem an wa dem rait op se bout dem (F), an tingk bout ou yu wuda ansa di kwestiyan iina di paat we niem Sumadi Mait-a Se (G).
DI LAAS PAAT A DI LESN
Dis A Wa Yu Fi Memba an Wa Yu Did Lorn Iina Da Lesn Ya? (H) miin se di lesn a-go don nou. Rait dong di diet wen yu don di lesn. Di paat we niem Du Dis (I) gi yu wan likl sopm fi du. Di paat we niem Chek Out Som Muo Sitn (J) av som ada tingz we yu kyan lisn, riid ar wach ef yu waahn.
Ou yu kyan go fain di skripcha dem iina yu Baibl?
Fos, yu a-go si di niem a di buk (A), di chapta (B), an den di vors dem (C). Si wan egzampl ya: Jan 17:3. Dat miin se Jan a di niem a di buk, 17 a di chapta, an 3 a di vors.