Wa Wi Kyan Lorn Fram Wi Breda an Sista dem We A Sorv Jeuova Fram Lang Taim?

Iina wi kanggrigieshan dem wi av nof breda an sista we a sorv Jeuova fi uol iip a ierz. Wi kya lorn nof tingz fram dem bout ou dem eng aan pan Jeuova an no lego. Wi kyan aks dem bout nof tingz we gwaan iina Jeuova aaganaizieshan bak iina di diez. Wi kyan aks dem bout som a di prablem we dem did afi go chuu, an ou Jeuova elp dem wid dem. Wi kyan iivn mek dem kom a wi Fambili Baibl Stodi, an dem wi kyan iivn tel wi som a di tingz we dem go chuu.

Ef yu a sorv Jeuova fram lang taim, tel di wan dem we jos staat sorv Jeuova bout wa mek yu lov Jeuova so moch. A so Jiekob an Juozif did du. Dem did tel dem jinarieshan bout Jeuova. (Ge 48:21, 22; 50:24, 25) Afta dat, a so Jeuova did ekspek di sumadi we a di ed a di fambili fi tiich di pikni dem bout aal di powaful sitn dem we Jeuova du. (De 4:9, 10; Ps 78:4-7) Iina wi kanggrigieshan dem nou, di mada an faada dem an evribadi els kyan taak tu di yong pikni dem bout aal a di gud sitn dem we dem si Jeuova a du iina fi wi taim.

WACH DI VIDIYO WE NIEM OU WI KYAN TAN OP TUGEDA AZ WAN EF DEM PUT WI WORSHIP ANDA LAK DONG, AN DEN ANSA DEM KWESTIYAN YA:

• Ou di breda dem we did de iina di ed afis iina Austria did elp wi breda dem fram som ada konchri wen dem worship did anda lak dong?

• Wa did elp di breda dem iina dem konchri de fi tan op chrang?

• Wa mek nof a di breda an sista dem we did de iina Romania lef Jeuova aaganaizieshan, an wa mek dem kom bak?

• Ou we dem breda de did go chuu elp fi mek fi yu fiet get chrangga?