DIS A OU AAL A UU A FALA JIIZAS FI LIV

Ou Wi Fi Yuuz di Egzampl dem Iina Som Tingz we Wi Kyan Se Wen Wi A Priich tu Piipl

Fram Janiweri 2018, wi a get som tingz we wi kyan se wen wi a priich tu piipl pan di kova a Dis A Ou Kristiyan Fi Liv an Priich—Stodibuk fi di Miitn. Ou wi kyan yuuz dem?

Fi di miitn we iina di wiik, wan sista a gi ar taak we shi did get fi du.

Wen Yu Av wan Paat pan di Miitn: Yu fi yuuz di kwestiyan, skripcha, an di egzampl we mek yu nuo we yu fi se wen yu go bak. Bot dat no miin yu afi du evriting siem wie laka ou it du iina di vidiyo. Yu kyan yuuz wan difrant plies; yu no afi se di siem ting we dem se fi staat; yu no afi riizn pan di skripcha dem di siem wie, an so. Yu kyan iivn gi dem sopm fram Tingz we Wi Kyan Yuuz Wen Wi A Tiich Piipl iivn ef di stodibuk neehn se yu afi du dat.

Da siem sista de, de a sorvis a riid wan skripcha tu wan uman.

Wen Yu A Priich an Tiich: Di tingz dem we wi kyan se wen wi a priich tu piipl de de fi elp wi. Ef di sumadi wel waahn fi lorn muor, yu kyan gwaan taak tu dem. Yu kyan iivn taak bout di kwestiyan we yu did plan fi taak bout wen yu go bak. Yu kyan chienj op di kwestiyan, ar yu kyan yuuz yu uona kwestiyan. Yu kuda aal taak bout sopm we wi did taak bout iina wan ada mont aredi, ar yu kuda yuuz wan skripcha we yu tingk di piipl dem iina fi yu ieriya wuda waahn taak bout. Yu tingk dem wuda waahn taak bout wa a gwaan pan di nyuuz ar sitn els we a gwaan roun dem? No mata ou yu chuuz fi yuuz di egzampl dem fram som tingz we wi kyan se wen wi a priich tu piipl, yu fi “du aal a dat fi elp pred di Gud Nyuuz bout Jiizas.”—1Ko 9:22, 23.