No Du Wa Evribadi Els A Du

23:1-3

Jeuova did waan di wan dem uu did a go taak op bout wa dem nuo, se dem no fi fala wa piipl se an tel lai. Im did waan di joj dem se dem no fi fala wa piipl se niida. Dem did fi mek shuor dem jojment fier. A di siem wie, iina fi wi laif, wi no fi fala ada piipl an du wa dem a du. Di kristiyan dem anda presha fi du tingz laik di worliyan dem an fi tingk laik ou dem tingk.​—Ruo 12:2.

Wa mek it no mek no sens fi du wa evribadi els a du wen

• wi ier ruuma ar piipl a chat tingz we no go so?

• wi a pik wa fi wier, ou fi kuom, kot ar kola wi ier, ar enjai wiself?

• wi a tingk bout an diil wid ada piipl uu fa skin kola difrant fram fi wi, uu kom fram wan difrant plies, ar dem av nof ar likl bit a moni?