Yu Kyan Kom Du Som Wok Fi Jeuova?

Aizaiya did mek wi nuo fram lang taim se iina fi wi taim, muor an muor piipl wuda a kom iina Jeuova aaganaizieshan muor dan eva. (Isa 54:2) Dis wuda miin se nou wi wuda afi a mek muor Kindom Aal, Asembli Aal, an Betel bildin. Afta wi don mek dem, wi stil afi tek kier a dem an fiks dem op uova som taim. So ou aal a dis kyan mek wi du som wok fi Jeuova?

• Wen a fi wi fiil sorvis gruup fi kliin di Kindom Aal, wi kyan elp kliin it

• Wi kyan aks dem fi tiich wi ou fi tek kier a an fiks tingz iina wi Kindom Aal

• Wi kyan ful out wan faam we niem Local Design/Construction Volunteer Application (DC-50) so dat wi kyan elp out somtaim wen dem a mek ar fiks op dem plies de we de nier tu we wi liv

• Wi kyan ful out di faam we niem Application for Volunteer Program (A-19) an mek dem nuo se wi waahn fi elp out iina eni wan a di Betel dem fi wan wiik ar muor

WACH DI VIDIYO WE NIEM A NEW CONSTRUCTION PROJECT IS BEING PLANNED​—EXCERPT, AN DEN ANSA DEM KWESTIYAN YA:

• Sins 2014, wa a som a di wie dem we yu si di aaganaizieshan staat yuuz muor an muor vidiyo?

• Bikaa dem afi a mek muor an muor vidiyo, wa dem a plan fi mek an, wen dem plan fi mek it?

• Ou di wan dem we waahn fi elp out wid da work ya kyan elp?

• Ef wi waahn fi elp out wid di kanschrokshan wok a Ramapo, wa mek wi fi ful out wan DC-50 aplikieshan faam an elp out wid di luokal kanschrokshan wok we a gwaan nier wich paat wi liv?

• Wa wi si a gwaan we mek wi nuo se a Jeuova a ron da wok ya?

• Iivn ef tingz a gwaan iina wi laif we mek wi kyaahn go elp out, ou wi kyan stil elp out wid da wok ya?