No Mek Notn Kom Bitwiin Yu An Jeuova

Di Jeuova Witnis dem av sitn gud we nobadi els no av. Wi gi wi laif tu Jeuova, baptaiz, an wi no tap put im fos iina wi laif an mek im bi wi Fren. Im yuuz im Son fi jraa wi tu im, an Im lisn tu wi wen wi prie.​—Ps 34:15; Jan 6:44.

Ou wi kyan mek shuor se notn no kom bitwiin wi an Jeuova? Wan ting wi kyan mek shuor se a dat wi no du di bad sitn dem we di Izrelait dem did du. Jos afta dem pramis Jeuova se dem a-go sorv im wan, dem mek wan kyaaf outa guol an staat worship it. (Ex 32:7, 8; 1Kor 10:7, 11, 14) Wi kyan aks wiself dem kwestiyan ya: ‘We mi du wen sitn ar sumadi temp mi fi du wa rang? Di tingz dem we mi du, dem a shuo se a Jeuova kom fos iina mi laif?’ Wen wi lov Jeuova wid aal a wi aat, it wi elp wi fi no du notn we im iet.​—Ps 97:10.

WACH DI VIDIYO GUARD YOUR RELATIONSHIP WITH JEHOVAH (KOL 3:5), AN DEN ANSA DEM KWESTIYAN YA:

• Wen di Baibl se wi no fi waahnti-waahnti, wa dat miin?

• Wa mek wi no fi waahn tingz we wi no niid? Wa mek wi no fi worship notn els insted-a Gad?

• Wen yu sliip wid sumadi we a no fi yu waif ar fi yu ozban, ou dat komiin laik yu a worship sitn els ada dan Jeuova?

• Wa mek di wan dem we a du nof iina Jeuova sorvis fi mek shuor se dem tek kier a uu dem marid tu?