Wi Wok Tugeda So Dat Wi Kyan Priich Tu Evribadi

Jos laik ou Jeuova did mek di Izrelait dem wok tugeda, a siem wie so im mek im piipl dem wok tugeda tide fi du wa im waahn dem fi du. Aal uova di worl, wi av branch afis, sorkit, kanggrigieshan, an fiil sorvis gruup we elp wi so dat wi kyan priich tu piipl an spred di gud nyuuz. Wi priich tu evribadi, an wi iivn priich tu piipl we taak wan difrant langwij.​—Re 14:6, 7.

Yu eva tingk se yu kyan go lorn wan neda langwij so dat yu kyan elp sumadi lorn di chuut? Iivn ef yu no av uol iip a taim fi go lorn wan langwij, yu kyan yuuz di JW Language ap fi lorn wan iizi likl sitn we yu kyan se tu dem. Afta yu dwi’it iina sorvis, yu a-go fain se yu api bad jos laik di breda an sista dem we did a priich iina di taim a di apasl dem. Dem taim de, piipl did shak fi ier bout “di powaful sitn dem we Gad du” iina dem uona langwij.​—Ak 2:7-11.

WACH DI VIDIYO OU FI TON JEUOVA FREN​—PRIICH TU SUMADI WE TAAK WAN DIFRANT LANGWIJ, AN DEN ANSA DEM KWESTIYAN YA:

• 

  Wen yu kyan yuuz di JW Language ap?

• 

  Wa a som a di sitn dem we di ap kyan du?

• 

  Wa a som a di langwij dem we piipl iina fi yu ieriya taak?

• Ef yu miit sumadi we waahn nuo muo bout di Kindom bot dem taak wan neda langwij, wa yu fi du?​—od-E 100-101 ¶39-41