Mek Shuor Yu Nuo Wa Yu A Du Wen Yu A Pik Yu Fren Dem

Kristiyan kyan lorn fram wa did apm tu di Izrelait dem wen dem did de pan di Mowabait dem lan. (1Kor 10:6, 8, 11) Di Izrelait man dem did staat fi spen taim wid di Mowabait uman dem we did a du aal kain-a seks sin an a worship faalz gad. Di Izrelait man dem get kech, so dem en op a sin bad gens Gad. (Nu 25:9) Tingz neehn ton out gud fi dem at aal. Wi av uol iip a piipl roun wi we naa sorv Jeuova, laik di wan dem we wi wok wid, di wan dem we wi go a skuul wid, wi nieba dem, som a wi fambili dem, an piipl we wi jos taak tu som a di taim. Wa wi kyan lorn fram da Baibl tuori ya bout som a di bad sitn dem we kyan apm wen wi spen taim wid piipl we naa worship Jeuova?

WACH DI VIDIYO WARNING EXAMPLES FOR OUR DAY​—EXCERPT, AN DEN ANSA DEM KWESTIYAN YA:

• 

  Wa a di rang sitn we Zimrai an di ada wan dem did a tel Jiemin bout?

• 

  Ou Finiyas did elp Jiemin fi staat tingk bout tingz di rait wie?

• Wa a di difrens wen yu jos taak tu sumadi gud fram wen yu a dem gud fren?

• Aal iina di kanggrigieshan, wa mek wi afi kierful wen wi a pik uu a-go bi wi gud fren dem?

• Wa mek wi no fi spen taim a chat wid piipl we wi no riili nuo panlain?