Wi Iina Di Laas Paat A “Di Laas Die Dem”​—Mek Shuor Se Yu Redi

Az wi go chuu di laas paat a “di laas die dem,” tingz a-go get aada an aada. (2Ti 3:1; “pangs of distress,” stodi nuot fi Mt 24:8, nwtsty-E) Wen Jeuova piipl afi diil wid wan orikien ar staam an dem ting de, Jeuova yuuz im aaganaizieshan fi mek im piipl dem nuo wa fi du an wen dem fi dwi’it so dat dem kyan mek it chuu. Ef wi a-go mek it chuu wen dem sitn de apm, wi afi mek shuor wi a du wa Jeuova se wi fi du nou. Wi fi du wa im se wi fi du wen it kom aan tu ou wi fi worship im an ou wi fi tek kier a wiself.​—Lu 16:10.

• Mek shuor yu a du tingz fi mek yu fiet get chrangga: Mek shuor se yu av wan set taim fi du tingz we a-go kip yu kluos tu Jeuova. Lorn fi priich iina di difrant difrant wie dem ou wi kyan priich. No get fried ef wan taim kom wen yu kyaahn get fi de roun di breda an sista dem we de iina yu kanggrigieshan. (Isa 30:15) Memba se Jeuova an Jiizas aalwiez de de wid yu.​—od-E 176 ¶15-17

• Chrai get tingz redi we yu a-go niid fi tek kier a yu an yu fambili: Apaat fram di bag we yu kyan grab an go we wid wen sitn apm, yu fi mek shuor yu av a sortn mount a fuud fi evribadi iina yu ous. Plos, mek shuor se yu av waata, medisn, an ada tingz we yu mait-a niid iin kies unu afi tan a unu yaad fi wan lang taim.​—Pr 22:3; g17.5-E 4, 6

WACH DI VIDIYO YU REDI FI ORIKIEN AN DEM TING DE? AN DEN ANSA DEM KWESTIYAN YA:

• 

  Wa a som a di tingz we wi kyan du fi mek wi fiet chrangga fi wen orikien an dem ting de kom?

• 

  Wa mek wi fi mek shuor se . . .

  • di elda dem nuo wa a gwaan wid wi?

  • wi av wan bag wid tingz we wi mait-a niid ef sitn apm?

  • wi get fi nuo di difrant tingz we mait-a apm wich paat wi liv an wa wi fi du ef dem sitn de apm?

• 

  Wa a chrii sitn we wi kyan du fi elp ada piipl wen dem go chuu orikien an dem ting de?

AKS YUSELF, ‘Bies pan wa apm wid COVID-19, ou it elp mi fi si se mi fi get miself redi fi tingz we mait-a apm?’