Mek Shuor Yu Nuo Wa Yu A Du Wen It Kom Aan Tu Umoch Lika Yu A-Go Jringk

Di Kristiyan dem fi nuo ou fi kanchuol demself wen it kom aan tu umoch lika dem a jringk. (Pr 23:20, 29-35; 1Kor 6:9, 10) Ef dem a-go jringk lika, dem fi mek shuor se dem no jringk tu moch. Dem no fi jringk it so moch so dat dem kyaahn du widout it. An dem fi mek shuor se ou dem jringk an wen dem jringk naa bada nobadi els. (1Kor 10:23, 24; 1Ti 5:23) Wi no fi fuos nobadi fi jringk lika, espeshali di yong piipl dem.

WACH DI WAITBUOD KAATUUN TINGK BIFUO YU JRINGK, AN DEN ANSA DEM KWESTIYAN YA:

• Wi we a sorv Jeuova, wen it kom aan tu jringkin lika, wa mek wi fi du wa di govament se?​—Ruo 13:1-4

• Wa mek wi no fi mek nobadi fuos wi fi jringk no lika?​—Ruo 6:16

• Ou wi kyan mek shuor se di bad sitn dem we apm tu piipl we jringk tu moch lika no apm tu wi?