Aalwiez Kip Yu Main Pan Jeuova

Wen wi kyaahn fain no wok, wi mait-a fain it aad fi kip wi main pan Gad Kindom an di sitn dem we im se rait. Wi mait-a waahn fi tek wan wok we mek it aad fi wi sorv Jeuova ar wan we mait-a mek wi en op a du tingz we Jeuova se wi no fi du. Bot, wi no afi wori kaa wi nuo se Jeuova a-go “du sitn fi di wan dem we a sorv im wid aal a dem aat.” (2Kr 16:9) Notn kyaahn go tap Jeuova fram gi wi wa wi niid kaaz im a wi Faada we lov wi bad. (Ruo 8:32) So, wen wi a tingk bout wa kain-a wok wi fi tek, wi fi chos iina Jeuova an kip wi main pan di ting dem we wi niid fi du fi sorv im.​—Ps 16:8.

WACH DI VIDIYO ENITING WE YU A DU FI JEUOVA, DWI’IT WID AAL A YU AAT, AN DEN ANSA DEM KWESTIYAN YA:

• 

  Wa mek Jason neehn tek di moni we dem did a chrai braib im wid?

• 

  Ou wi kyan du wa Koloshan 3:23 se wi fi du?

• 

  Kaaz a aal a di gud sitn dem we Thomas did si Jason a du, wa dat mek Thomas du?

• 

  Ou wi kyan du wa Matyu 6:22 se wi fi du?