Yu Redi Fi Wen Piipl Mait-A Lak Dong Di Konchri Kaa Dem A Blak Ruod An So?

Kaaz da worl ya suun don, wi ekspek fi si muor kraim an vailens we afi du wid palitiks, muor piipl a blak ruod an a demanschriet, an muor waar. (Re 6:4) Ou wi kyan mek shuor se wi redi fi diil wid dem prablem de iina di fyuucha?

• Du di ting dem we a-go mek yu stie kluos tu Jeuova: Fi elp yu fi no get miks op iina wa a gwaan, an iina palitiks an dem ting de, yu afi fain tingz iina di Baibl we a-go elp yu fi bil op yu chos iina Jeuova an im aaganaizieshan. (Pr 12:5; jr-E 125-126 ¶23-24) Wa wi fi du nou, a fi mek shuor se wi an wi breda an sista dem iina di kanggrigieshan a gud gud fren.​—1Pii 4:7, 8

• Mek shuor yu av di ting dem we yu niid fi tek kier a yu an yu fambili: Mek shuor yu nuo wa yu a-go du fi kip sief ef yu kyaahn lef yu yaad. An mek shuor yu av sortn mount a fuud fi evribadi iina yu ous. Mek shuor yu nuo we yu a-go go ef yu afi lef yu yaad. Mek shuor se di bag we yu fi grab an go we wid wen sitn apm av moni an di sitn dem we yu niid fi kip sief laik glovz, maask, an dem ting de iina it. Mek shuor yu av di elda dem nomba an dem av fi yu nomba tu. ​—Isa 32:2; g17.5-E 3-7

Ef piipl lakdong di konchri kaaz dem a blak ruod an so, no tap du wa yu aalwiez du fi kip yu fiet chrang. (Fil 1:10) No muuv op an dong fram plies tu plies ef yu no afi dwi’it. (Mt 10:16) Shier wa fuud unu av an ada tingz.​—Ruo 12:13.

WACH DI VIDIYO YU REDI FI WEN BAD TINGZ A GWAAN IINA YU IERIYA? AN DEN ANSA DEM KWESTIYAN YA:

• Ou Jeuova kyan elp wi wen di ting dem we wi jos si iina di vidiyo a gwaan?

• Wa an wa wi kyan du fi mek shuor se wi redi?

• Wa wi kyan du fi elp ada piipl wen dem ting de a gwaan?