Ton Wan Paiyanier

Wen wi mek op wi main fi du muor fi Jeuova, a yuuz wi a yuuz wi chrent iina wan waiz wie. (1Kor 9:26) Da worl ya suun don. So evri chaans wi get fi du sitn fi Jeuova, dwi’it. (Ifii 5:15, 16) Wen unu a du unu fambili Baibl stodi, unu kyan taak bout wa an wa unu kyan du fi di nyuu sorvis ier. Da stodibuk ya kyan elp yu fi fain som tingz we yu kyan prie bout an plan fi du iina di nyuu sorvis ier.​—Jmz 1:5.

Ef evribadi iina di fambili wok tugeda, yu tingk se iivn wan sumadi iina di fambili kuda ton wan regila paiyanier? Sopuos yu fiil se yu naa go kyan mek di owaz? Yu kyan taak tu som paiyanier uufa laif set op laik fi yu. (Pr 15:22) Yu kyan aal aks wan a di regila paiyanier dem fi kom a yu fambili Baibl stodi, an aks dem fi tel unu ou dem dwi’it. Den yu kyan rait dong wich an wich die yu kyan go iina sorvis, an umoch owa yu kyan du pan dem die de. Ef yu yuus tu paiyanier, yu kyan luk iina yu laif an si wa a gwaan ya nou, an si ef yu kyan staat agen.

Sumadi iina yu fambili kuda agzilari paiyanier fi wan mont? Ar fi muor dan wan mont? Wa ef yu no av di chrent fi spen wan uol die iina sorvis? Yu kyan stil agzilari paiyanier ef yu spen likl likl taim evridie iina sorvis. Bot wa ef yu kyaahn go a sorvis iina di wiik kaa yu wok faiv die a wiik ar yu a go a skuul? Yu kyan pik wan mont we av wan alidie iina it ar faiv wiiken iina it. Pan yu kalinda yu kyan rait dong wen yu waahn fi agzilari paiyanier an den yu kyan rait dong ou yu a-go mek di taim.​—Pr 21:5.

WACH DI VIDIYO YU NAA FI FRIED FI PAIYANIER, AN DEN ANSA DA KWESTIYAN YA:

• Wa wi lorn fram Sista Aamand tuori bout ou Jeuova lov an kier fi di wan dem we gi op tingz so dat dem kyan paiyanier?