Go Wich Paat Dem Niid Muo Elp

Yu afi chos iina Jeuova fi muuv fram somwe we yu nuo fi go somwe we yu no nuo fi go priich. (Iib 11:8-10) Ef yu a tingk fi muuv go wich paat dem niid muo elp fi priich, yu kyan taak tu di elda dem iina yu kanggrigieshan. Wa yu kyan du fi chek out umoch it a-go kaas yu? An wa kyan elp yu fi mek op yu main pan wich paat fi go? Wen yu a tingk bout fi go wich paat dem niid muo elp, yu kyan riid op pan wa wi buk an pamplet dem se bout dat. Yu kyan taak tu di breda an sista dem we go elp out a wan neda kanggrigieshan. (Pr 15:22) Prie an aks Jeuova fi elp yu wen yu a mek op yu main. (Jmz 1:5) Yu kyan riid op pan wich paat yu waahn fi go. An ef yu kyan dwi’it, yu kyan go chek out di plies bifuo yu mek op yu main.

WACH DI VIDIYO CHOS IINA GAD AN MEK YUUS A DI GUD CHAANS WE YU AV FI DU SOM WOK​—GO WICH PAAT DEM NIID MUO ELP, AN DEN ANSA DEM KWESTIYAN YA:

• Wa an wa Patrick did afi du fi go we dem niid muo elp, an wa elp im fi dwi’it?