Wen Unu Marid, Unu Marid Fi Laif

Wen tuu piipl we a sorv Jeuova get marid an a liv gud wid dem wan aneda, it big op Jeuova an di tuu a dem a-go api. (Mk 10:9) Ef yu waahn yu marid laif fi laas lang an di tuu a unu fi api, unu afi fala di ting dem we di Baibl se unu fi du wen unu a luk sumadi fi marid tu.

Ef yu a luk sumadi fi marid tu, it wuda waiz ef yu wiet til yu riich wan iej wen a no onggl seks de pan yu main. (1Kor 7:36) It wuda waiz fi yuuz di taim wen yu no marid fi jraa nier tu Gad an wok aad fi get di gud wiez dem we Jeuova waahn yu fi av. Wen yu du dat, yu a set yuself fi ton wan gud ozban ar wan gud waif.

Bifuo yu marid tu sumadi, yu fi tek di taim fi nuo ‘ou dem aat tan.’ (1Pii 3:4) Ef yu si sopm bout dem we yu no shuor bout, taak tu dem bout it. Wen yu marid, yu fi tingk muor bout wa yu kyan gi dan wa yu kyan get. (Fil 2:3, 4) Ef yu du wa di Baibl se yu fi du bifuo yu marid, den wen yu marid yu marid laif a-go api.

WACH DI VIDIYO WEN YU A PLAN FI GET MARID​—PAAT 3: “CHEK OUT UMOCH IT A-GO KAAS YU,” AN DEN ANSA DEM KWESTIYAN YA:

• Ou tingz bitwiin di sista an Shien did staat out?

• Wa shi did si we shi neehn laik?

• Ou ar mada an faada did elp ar, an wa shi did mek op ar main fi du?