Wa Wi Kyan Du Ya Nou Til Di Taim Wen Gad A-Go Mek Ded Piipl Kom Bak Alaiv?

Wen sumadi we wi lov ded, it mek wi api fi nuo se wan die Gad kyan mek dem kom bak alaiv. Di Baibl mek wi nuo se sin an det komiin laik sitn we de uova evribadi a chuok dem an a tap op dem bret. (Isa 25:7, 8) Dat a di riizn wa mek “evriting we Gad mek, a muon an a gruon tugeda. Evriting we Gad mek a fiil pien.” (Ruo 8:22) So ef sumadi we wi lov ded, ou wi kyan diil wid dat til di taim wen Gad a-go mek ded piipl kom bak alaiv? Wel, wol iip a tingz de iina Gad Wod we kyan elp wi.

WACH DI VIDIYO WEN SUMADI FI YU DED, AN DEN ANSA DEM KWESTIYAN YA:

• Wa did apm iina Danielle, Masahiro an Yoshimi laif we did mek dem sad bad?

• A ou di faiv sitn dem we dem taak bout iina di vidiyo did elp dem?

• A uu a di bes sumadi fi ‘osh wi wen wi sad’ bad?​—2Kor 1:3, 4