DIS A OU AAL UU A FALA JIIZAS FI LIV
Lorn Fi Chos Iina Gad Wod Muor An Muor
Gad Wod kyan chienj wi laif fi di beta. (Iib 4:12) Bot ef it fi elp wi iina evri wie, wi afi biliiv se a ‘Gad Wod’ fi chuu. (1Tes 2:13) So ou wi kyan lorn fi chos iina Gad Wod muor an muor?
Riid paat a di Baibl evridie. Wen yu a riid it, luk fi di tingz dem we a-go mek yu nuo se a Jeuova Wod fi chuu. Wan a di ting dem we yu kyan du a riid di buk a Pravorbz an si ou di sitn dem we iina da buk de kyan mek yu waiz.—Pr 13:20; 14:30.
Pik wan tapik we yu kyan stodi bout. Wa yu kyan du a stodi bout tingz we a-go mek yu nuo fi shuor se di Baibl kom fram Gad. Iina di Research Guide for Jehovah’s Witnesses luk pan di tapik we niem, “The Bible” an den “Inspired by God.” An wan neda ting we kyan elp yu fi chos iina di Baibl muor an muor an fi si se wa iina it no chienj op, a fi luk pan di sitn dem we rait dong iina Appendix A3 a di New World Translation.
WACH DI VIDIYO WI FIET A-GO MEK WI . . . CHOS IINA GAD WOD, AN DEN ANSA DEM KWESTIYAN YA:
Ou wa dem did fain pan wan templ waal iina wan plies niem Kaanak we iina Iijip, shuo se wa iina di Baibl a chuu?
Ou wi nuo se di sitn dem we rait dong iina di Baibl no chienj op chienj op?
Di fak se Gad Wod stil de bout iina fi wi taim, wa dat tel yu se?—Riid Aizaiya 40:8