JANIWERI 22-28

JUOB 38-39

Sang 11 An Prieya | Tingz We Wi Fi Luk Out Fa Iina Di Miitn (1 min.)

DI CHREZHA DEM WE DE IINA GAD WOD

1. Yu A Spen Taim A Tek Iin Di Ting Dem We Gad Mek?

(10 min.)

Afta im don mek di ort, Jeuova did spen som taim fi tingk bout di sitn dem we im mek (Je 1:10, 12; Juob 38:5, 6; w21.08-E 9 ¶7)

Di ienjel dem did spen taim a tek iin di ting dem we Gad mek (Juob 38:7; w20.08-E 14 ¶2)

Wen wi spen taim fi tek iin di ting dem we Jeuova mek an tangk im fi dem, it wi elp wi fi chos iina im muor (Juob 38:32-35; w23.03 17 ¶8)

Wan mada an ar gyal pikni de outsaida dem yaad a wach wan botaflai.

2. Di Preshos Tingz Fram Di Baibl

(10 min.)

Juob 38:8-10—Wen wi luk pan dem vors ya, wa it tiich wi bout Jeuova an di wie ou im du tingz? (it-2-E 222)

Rait yu ansa
Fi da wiik ya, tel wi som a di preshos ting dem we yu lorn fram di Baibl riidin.

Rait yu ansa

3. Di Baibl Riidin

(4 min.) Juob 39:1-22 (th-E stodi 5)

WOK AAD FI PRIICH TU PIIPL AN TIICH DEM BETA

4. Wen Wi Taak Tu Piipl Fi Di Fos Taim

(2 min.) PRIICH TU PIIPL ENIWE YU DE. Ef yu si se di sumadi no waahn taak tu yu, tap taak tu dem bot dwi’it iina wan nais wie. (lmd lesn 2 paint 3)

5. Wen Wi Go Bak Go Taak Tu Dem

(5 min.) WEN WI A PRIICH OUS TU OUS. Di laas taim yu taak tu dem dem tel yu se sumadi fi dem ded. (lmd lesn 9 paint 3)

6. Wan Baibl Taak

(5 min.) lmd som ada tingz fi luk pan A paint 1—Tapik: Di Tingz We A Apm Ya Nou An Ou Piipl A Gwaan Mek Wi Si Se Tingz Suun Chienj (th-E stodi 16)

DIS A OU AAL UU A FALA JIIZAS FI LIV

Sang 111

7. Wen Wi Tek Di Taim Fi Tek Iin Di Sitn Dem We Gad Mek, It Wi Elp Wi Fi No Jos A Tingk Bout Wi Prablem Dem

(15 min.) Taak an kwestiyan.

Juob a tingk bout som a di sitn dem we Jeuova mek laik di ipo, di staak, di aschrij, di krokodail, di iigl,di aas, an di bul kou. Wan wikid staam a bluo an Ilaiyuu an Juob chrii frenimi dem a sidong nier we im de.

Wen Sietan an Juob chrii frenimi dem did a mek tingz aad fi Juob, aal im did a tingk bout a im prablem dem an di bad tingz dem we dem man de did a se bout im.

Riid Juob 37:14. Den aks da kwestiyan ya:

Wa Juob did afi du so dat im kuda tingk bout tingz di wie ou Jeuova waahn im fi tingk bout it?

Rait yu ansa

Wen wi a go chuu wi prablem dem, ef wi tek di taim fi tek iin di sitn dem we Jeuova mek, dat wi elp wi fi memba se Jeuova av nof powa an im kyan du eniting we im waahn fi du. So dat kyan elp wi fi gwaan stik tu im kaa wi nuo fi shuor se im a-go eva di de fi tek kier a wi.—Mt 6:26.

Plie di VIDIYO Tingz We Wi Lorn Fram Di Buk A Juob—Di Animal Dem We Gad Mek. Den aks da kwestiyan ya:

Ou da vidiyo ya elp yu fi chos iina Jeuova muor?