IEPRIL 28–MIE 4
PRAVORBZ 11
Sang 90 An Prieya | Tingz We Wi Fi Luk Out Fa Iina Di Miitn (1 min.)
1. No Mek Dem Sitn Ya Kom Outa Yu Mout
(10 min.)
No se notn we kyan ort sumadi els (Pr 11:9; w02-E 5/15 26 ¶4)
No se notn we a-go plit op plit op piipl (Pr 11:11; w02-E 5/15 27 ¶2-3)
No chat notn we a no fi yu bizniz fi chat (Pr 11:12, 13; w02-E 5/15 27 ¶5)
SITN FI SIDONG AN TINGK BOUT: Ou wa Jiizas se iina Luuk 6:45 kyan elp wi fi no se notn we a-go ort ada piipl?
2. Di Preshos Tingz Fram Di Baibl
(10 min.)
Pr 11:17—A ou it elp wi wen wi gud an kain tu wiself an ada piipl? (g20.1-E 11, di baks)
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Mt 9:9-22 (th-E stodi 5)
4. Wen Wi Taak Tu Piipl Fi Di Fos Taim
(4 min.) PRIICH TU PIIPL ENIWE YU DE. Chrai fi si ou yu kyan tel dem bout sitn we yu lorn iina wan a di miitn dem we yu no tuu lang go. (lmd lesn 2 paint 4)
5. Wen Wi Go Bak Go Taak Tu Dem
(4 min.) PRIICH TU PIIPL ENIWE YU DE. Tel dem bout wan vidiyo we iina di Tiichin Tuulbaks. (lmd lesn 8 paint 3)
6. Elp Dem Fi Ton Jiizas Falara
(4 min.) WEN WI A DU KYAAT WOK AR A PRIICH WE NOF PIIPL DE. Tel dem se yu kyan stodi di Baibl wid dem an shuo dem ou wi dwi’it. (lmd lesn 10 paint 3)
Sang 157
7. No Mek Di Sitn Dem We Yu Se Mek Piipl Kyaahn Liv Iina Piis
(15 min.) Taak an kwestiyan.
Kaa non a wi no porfek, som a di taim wi a-go se som tingz we wi no fi se. (Jmz 3:8) Bot ef wi tingk bout som a di ting dem we kyan kaaz prablem, dat kyan elp wi fi no se tingz we wi gweehn en op sari se wi did se. Si som sitn ya we kyan kaaz wi fi no liv iina piis iina di kanggrigieshan:
Wi no fi shuo aaf. Dis a wen wi big op wiself an dis kyan kaaz piipl fi red yai.—Pr 27:2
Wi no fi tel lai. A no onggl wen wi tel lai dat rang, bot wen wi mek piipl tingk sopm we no go so, dat no rait niida. Aal ef wi tingk se a wan likl lai wi a tel, dat kyan mek piipl no chos wi an mek dem tingk bad tingz bout wi.—Iik 10:1
Wi no chat bad bout piipl. Dis a wen wi a chat piipl bizniz ar a taak tingz bout dem we no go so. (1Ti 5:13) Dis kyan kaaz piipl fi kos out dem wan aneda an mek dem no liv iina piis wid dem wan aneda
No yuuz yu mout fi tier dong ada piipl. Dis a wen wi get beks wid sumadi an kos dem out (Ifii 4:26) an dis kyan ort dem.—Pr 29:22
Plie di VIDIYO Wan Paat Fram “Don We Wid” Tingz We Mek Wi Kyaahn Liv Iina Piis. Den aks da kwestiyan ya:
Ou da vidiyo ya mek wi si se it iizi fi di sitn dem we wi se kyan mek wi no liv iina piis wid wi wan aneda?
Wach di vidiyo “Chrai Aad Fi Liv Iina Piis” fi si ou di breda an sista dem staat liv tugeda az wan agen.
8. Di Baibl Stodi Fi Wi Miitn
(30 min.) bt chap. 25 ¶14-21