MIE 12-18

PRAVORBZ 13

Sang 34 An Prieya | Tingz We Wi Fi Luk Out Fa Iina Di Miitn (1 min.)

DI CHREZHA DEM WE DE IINA GAD WOD

1. No Mek Di Nais Laif We Wikid Piipl Luk Laik Dem A Liv Fuul Yu

(10 min.)

Wikid piipl no av no we a go (Pr 13:9; it-2-E 196 ¶2-3)

No kip kompni wid piipl we mek it luk laik se di bad sitn dem we dem a du a sitn gud (Pr 13:20; w12-E 7/15 12 ¶3)

Jeuova bles di wan dem we a du wa rait (Pr 13:25; w04-E 7/15 31 ¶6)

Som picha: Dem a shuo som tingz we wan man we naa sorv Jeuova a du an som tingz we som Jeuova Witnis a du. 1. Wan man de iina wan klob a daans wid lika iina im an. 2. Afta dat, im sik out an a tek som pil. 3. Som breda an sista de a wan likl paati outa duor iina di iivnin. Dem a sing an daans an a nyam fuud tugeda. 4. Di neda die, dem de a fiil sorvis. — It mait-a luk laik se di wan dem we a ron dong tingz iina da worl ya a liv big laif. Bot no bada mek dat fuul yu. A di wan dem we a du wa Jeuova se dem fi du riili a enjai dem laif

2. Di Preshos Tingz Fram Di Baibl

(10 min.)

Pr 13:24—Ou da vors ya kyan elp di mada an faada dem we se dem lov dem pikni bot naa jraa dem op wen dem fi jraa dem op? (it-2-E 276 ¶2)

Rait yu ansa
Fi da wiik ya, tel wi som a di preshos ting dem we yu lorn fram di Baibl riidin.

Rait yu ansa

3. Di Baibl Riidin

(4 min.) Mt 10:1-15 (th-E stodi 10)

WOK AAD FI PRIICH TU PIIPL AN TIICH DEM BETA

4. Wen Wi Taak Tu Piipl Fi Di Fos Taim

(3 min.) OUS TU OUS. Staat taak tu dem bout sitn we a gwaan rait ya nou. Afta yu si se a no dat dem waahn fi taak bout, tel dem sitn fram di Baibl we kyan elp dem. (lmd lesn 2 paint 5)

5. Wen Wi Taak Tu Piipl Fi Di Fos Taim

(4 min.) ENIWE YU DE. Invait di sumadi fi kom a miitn. (lmd lesn 2 paint 3)

6. Wan Baibl Taak

(5 min.) lmd som ada tingz fi luk pan A paint 9—Tapik: Tingz Wi Wok Out Gud Fi Di Pikni Dem We Rispek Dem Mada An Faada An Du Wa Dem Se. (th-E stodi 16)

DIS A OU AAL UU A FALA JIIZAS FI LIV

Sang 77

7. Tingz A-Go Wok Out Fi Di Wan Dem We A Du Wa Rait An Dem A-Go Riili Api

(8 min.) Taak an kwestiyan.

Notn we da worl ya tiich wi kyaahn mach op tu di waiz sitn dem we iina Gad Wod. Wen wi du wa Gad Wod se wi fi du, tingz a-go wok out gud fi wi an wi a-go riili api. An dat a sitn we di worl kyaahn gi wi at aal.

Wan paat fram di vidiyo we niem “Da Worl Ya Kyaahn Gi Yu We It No Av.” Sista Gainanshina sidong iina som graas a luk op iina di skai.

Plie di VIDIYO Da Worl Ya Kyaahn Gi Yu We It No Av. Den aks da kwestiyan ya:

Ou wa Sista Gainanshina did go chuu elp wi fi si se it beta fi wi wen wi du di sitn dem we Gad se rait dan fi fala di wie ou di wikid piipl dem a liv dem laif?—Pr 13:9

Rait yu ansa

Ef yu gi op tingz fi sorv Jeuova, no bada spen taim a fiil sari se yu du dat ar a wies yu taim a tingk bout di sitn dem we da worl ya pramis fi gi yu. (1Jan 2:15-17) Insted-a dat, tingk bout aal a di gud sitn dem we yu lorn bout Gad, kaa notn “kyaahn kom kluos tu dat.”—Fil 3:8.