JUUN 9-15
PRAVORBZ 17
Sang 157 An Prieya | Tingz We Wi Fi Luk Out Fa Iina Di Miitn (1 min.)
Wan ozban an waif we a Izrelait a nyam piis a bred an di tuu a dem luk laik dem a liv iina piis
1. Wa Yu Kyan Du So Dat Yu An Di Sumadi We Yu Marid Tu Kyan Liv Iina Piis?
(10 min.)
Wen unu wok aad fi liv iina piis wid unu wan aneda, it a-go elp unu (Pr 17:1; luk pan di picha)
No mek evri likl ting bada yu (Pr 17:9; g-E 9/14 11 ¶2)
Lorn fi kanchuol yuself an ou yu fiil (Pr 17:14; w08-E 5/1 10 ¶6–11 ¶1)
2. Di Preshos Tingz Fram Di Baibl
(10 min.)
Pr 17:24—A wa da vors ya miin? (it-1-E 790 ¶2)
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Mt 11:16-30 (th-E stodi 10)
4. Wen Wi Taak Tu Piipl Fi Di Fos Taim
(3 min.) ENIWE YU DE. (lmd lesn 3 paint 5)
5. Wen Wi Taak Tu Piipl Fi Di Fos Taim
(4 min.) KYAAT WOK AR A PRIICH WE NOF PIIPL DE. Tel dem se yu kyan stodi di Baibl wid dem. (lmd lesn 6 paint 4)
6. Wan Baibl Taak
(5 min.) ijwbv-E nomba 60—Tapik: Wa Pravorbz 17:17 a se? (th-E stodi 13)
Sang 113
7. Du Tingz We A-Go Elp Yu Fambili Fi Taak An Lisn Gud Tu Dem Wan Aneda
(15 min.) Taak an kwestiyan.
It a-go mek yu fambili api wen unu taak an lisn gud tu unu wan aneda. Wen unu du dat, unu a-go kyan wok tugeda fi du di sitn dem we unu waahn fi du an unu a-go de de fi unu wan aneda wen tingz get aad. (Pr 15:22) Wa yu kyan du so dat evribadi iina yu fambili kyan nuo se it aarait fi dem taak bout ou dem riili fiil bout tingz?
Spen taim wid unu wan aneda. (Dyu 6:6, 7) Wen di piipl dem iina wan fambili du wok tugeda, go miitn an dem ting de, an du tingz fi enjai demself tugeda, it a-go mek dem lov an chos dem wan aneda muor. An dem tingz ya wi mek it iizi fi dem taak tu dem wan aneda. Som a di taim, yu mait-a afi gi op wa yu waahn fi du so dat ada piipl iina yu fambili kyan get fi du wa dem waahn fi du. Bot wen yu du dat, dem a-go si se yu lov dem. (Fil 2:3, 4) So wen unu de mongks unu wan aneda, ou unu kyan mek shuor se unu a yuuz da taim de gud?—Ifii 5:15, 16.
Plie di VIDIYO Yuuz Di Baibl Laik Wan Ruod Map Fi Mek Yu Fambili Liv Iina Piis—Taak Tu Unu Wan Aneda Gud An Lisn Gud Tu. Den aks dem kwestiyan ya:
Wen unu eva de pan unu fuon an dem ting de, ou dat kyan mek unu no taak tu unu wan aneda an lisn tu unu wan aneda gud?
Wen yu wach da vidiyo ya, wa els yu lorn bout ou yu fi taak tu yu fambili an lisn tu dem gud?
Lisn tu yu pikni dem gud. (Jmz 1:19) Wen dem nuo se yu a-go chrai fi andastan wa dem a se an yu naa go kwik fi get beks, yu pikni dem wi muor waahn fi tel yu ou dem riili fiil bout tingz. So ef dem tel yu sitn we soun a wie tu yu, chrai an no get beks. (Pr 17:27) Insted-a dat, lisn tu dem an chrai fi andastan ou dem fiil. Wen yu du dat, yu a-go kyan elp dem iina wan wie we a-go mek dem si se yu lov dem.
8. Di Baibl Stodi Fi Wi Miitn
(30 min.) bt chap. 27 ¶19-22, an di baks pan p. 212