Luk Bak Pan Di Mien Sitn Dem We Yu Did Lorn

Yu eva fain it aad fi memba di sitn dem we yu jos stodi bout? Dat apm tu aal a wi som a di taim. It kyan elp yu wen yu luk bak pan di mien sitn dem we yu did lorn.

Wen yu a stodi, wa yu kyan du a tap an luk bak pan di mien sitn dem we yu did lorn. Paal did elp di breda an sista dem fi du dis wen im se, “Nou dis a di mien sitn.” (Iib. 8:1) A so im elp di wan dem we a lisn tu im fi andastan wa im a se an fi si ou wa im a se kanek op wid di mien sitn dem we im se bifuo.

Wen yu don stodi, yu kuda set wan taim laik ten minit fi tingk bout di mien sitn dem we yu dis stodi bout. An ef yu kyaahn memba di mien sitn dem, luk pan di niem a di difrant paat dem we yu a stodi an yu kyan luk pan di fos sentens a di paragraaf dem tu an dat a-go elp yu fi memba. Ef yu lorn sitn nyuu, si ef yu kyan eksplien it bies pan wa yu andastan. Yu si wen yu luk bak pan di mien sitn dem we yu did lorn, it a-go elp yu fi memba it an yu a-go si ou dem sitn de kyan elp yu iina yu uona laif.