Yuuz Di Baibl Laik Wan Lukin Glaas

Di apasl Jiemz did mek wi nuo se di Baibl komiin laik wan lukin glaas we mek wi nuo di kain-a sumadi wi bi. (Jmz. 1:22-25) A ou wi kyan yuuz di Baibl laik wan lukin glaas?

Tek yu taim an riid it gud. Ef wi jos tek wan likl luk pan wiself iina wan lukin glaas, wi mait-a no si som a di sitn dem we rang wid di wie ou wi luk. So wi afi tek wi taim an riid Gad Wod gud gud fi si di sitn dem we wi niid fi wok pan.

Luk pan yuself an no luk pan nobadi els. Di wie ou yu uol wan lukin glaas kyan mek yu si wa rang wid ou sumadi els luk. A siem so wi kuda yuuz di Baibl fi si wa rang wid sumadi els tu. Bot dat naa go elp wi fi chienj op di ting dem we wi niid fi chienj op iina wi laif.

Tek taim wid yuself. Ef evritaim wen wi luk iina wan lukin glaas wi aalwiez a tingk bout di sitn dem we rang wid ou wi luk, it mait-a mek wi fiil bad bout wiself. So wi niid fi tek taim wid wiself wen wi a riid Gad Wod an no ekspek tu moch fram wiself dan we Jeuova ekspek fram wi.​—Jmz. 3:17.