Di Jeuova Witnis Dem Biliiv Iina Jiizas?

Ye man. Wi biliiv iina Jiizas kaaz im did se: “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.” (Jan 14:6) Wi nuo fi shuor se Jiizas did kom pan di ort an im did gi op im porfek laif so dat wi kyan get frii fram sin an det. (Matyu 20:28) Kaaz Jiizas did ded an kom bak alaiv, dat mek enibadi we shuo se dem chos iina im get di chaans fi liv fi eva. (Jan 3:16) An wan neda ting we wi biliiv a dat Jiizas a di King we a ruul iina Gad Kindom we de iina evn, an suun suun da Kindom de a-go mek evribadi we liv pan di ort liv iina piis. (Revilieshan 11:15) Iivn duo wi biliiv aal a dis, wi no biliiv se Jiizas a di Muos Ai Gad we wi fi worship. Wi biliiv wa Jiizas did se wen im se: “Mi Faada biga dan mi.”​—Jan 14:28