Di Memuoriyal Miitn

1. Wi Gad an wi Faada, Jeuova,

Tunait riili speshal tu yu,

Kaaz a dis a di diet wen yu shuo ou yu griet.

Yu pruuv it bai wa yu did du.

Yu frii fi yu piipl fram Iijip.

Di Paasuova lam siev dem laif,

An agen pan da diet ya, som taim afta dat,

Yu siev man wen yu sen Jiizas Krais.

2. Di bred an di wain elp wi memba

Se Krais gi im uon laif fi wi.

An das wai di wain red

kaaz a preshos blod shed.

Dat apm fi set mankain frii.

Wen wi gyada fi di Memuoriyal,

It shuo se wi grietful tu yu.

Kaaz a yu sen yu Son

uu did wilin fi kom;

It pruuv umoch yu lov wi fi chuu.

3. An nou dat wi gyada tugeda

Fi du wa yu Son se fi du,

Wi waahn tingk bout yu wiez,

an wi waahn gi yu priez,

An shuo se wi tangkful tu yu.

Wi waahn yuuz wi laif gi yu gluori,

An fala yu Son, Jiizas Krais.

Gi wi elp evri die; elp wi liv di rait wie.

Wid yu elp wi kyan riich Paradais.