Tingz We Aal A Uu De Ya Fi Nuo

ElP AN SOPUOT Sumadi a-go de de fi elp yu fi du di ting dem we yu fi du. Wok wid dem an fala we dem tel yu wen yu a paak, wen yu a muuv roun, wen yu a siev siit, an so.

BAPTIZAM Fi di wan dem we a get baptaiz, siit a-go de de fi dem infronta di stiej anles dem se sitn difrant. Di wan dem we a get baptaiz fi iina dem siit bifuo di taak fi dem staat pan Satde maanin. Kyari yu towil an prapa tingz fi wier fi get baptaiz iina.

DUONIESHAN It tek uol iip a moni fi mek shuor se siit de de fi evribadi so dat wi kyan ier an si wa a gwaan gud, an so dat wi kyan enjai wi kanvenshan an get kluosa tu Jeuova. Eni moni yu gi fram outa yu aat a-go yuuz a da kanvenshan ya an fi di wok we di Jeuova Witnis dem a du aal uova di worl. Fi mek it iizi fi yu gi moni, som baks wid sain pan dem a-go de aal bout iin ya, ar yu kyan go pan donate.jw.org go gi moni. Wi tangk unu fi eni moni we unu gi. Di Govanin Badi fi di Jeuova Witnis dem tangk unu fi aal we unu a gi an du fi di Kindom wok.

ELP FI SUMADI WE SIK Dis a fi onggl ef sumadi get sik bad.

TINGZ WE WI LAAS AR WE WI FAIN Ef yu si sitn we luk laik it no bilang tu nobadi, kyari it go a di ieriya we maak Tingz We Wi Laas Ar We Wi Fain. Ef yu laas sitn, go siem plies an tel dem wa yu sitn luk laik. Ef yu si wan pikni we laas, kyari dem go de tu. Bot memba se, it beta ef wi luk afta wi pikni so dat dem no get laas.

SIIT Tingk bout ada piipl tu. Memba se yu fi onggl siev siit fi yu an yu kluos fambili, ar fi sumadi we kom iina di siem kyaar wid yu, ar ef dem liv iina di siem ous wid yu, ar yu a stodi wid dem. No put notn pan no siit ef yu naa kip it fi sumadi.

EF YU WAAHN FI ELP Ef yu waahn fi elp out wid di wok a da kanvenshan ya, go a di plies we av wan sain we se Ef Yu Av Kwestiyan Ar Ef Yu Waahn Fi Elp.