WEN WI TAAK TU PIIPL FI DI FOS TAIM
LESN 4
Ombl Yuself
Sitn We Yu Kyan Riizn Pan: “Ombl unuself an chriit wan aneda beta dan ou unu wuda chriit unuself.”—Fil. 2:3.
Wa Paal Did Du
1. Wach di VIDIYO, ar riid Aks 26:2, 3. Den ansa dem kwestiyan ya:
Ou di wie ou Paal did taak du King Agripa mek wi si se im did ombl?
Wa Paal did se we shuo wi se a Jeuova an di Baibl im did a big op an a neehn imself?—Luk pan Aks 26:22.
Wa Wi Lorn Fram Wa Paal Did Du?
2. Wen wi ombl wiself an shuo se wi av nof rispek fi piipl, dem wi muo waahn ier wa wi a se tu dem.
Du Laik Wa Paal Did Du
3. Shuo se yu av nof rispek fi dem. No mek it komiin laik se yu nuo evriting an dem no nuo notn at aal.
4. Mek dem si se di sitn dem we yu a tel dem, a di Baibl it kom fram. Di sitn dem we de iina Gad Wod kyan riili toch piipl aat. So wen wi yuuz Gad Wod, wi a elp dem fi staat chos iina Gad an fi chos iina di sitn dem we im se.
5. Kip kaam. No bada spen yu taim a chrai pruuv se yu rait. Wi no waahn fi a kos wid nobadi. Wi shuo se wi ombl wen wi chrai fi kip kaam, an ef di sumadi a rail op demself, den wi jos go we. (Pr. 17:14; Taitos 3:2) Wen wi kip kaam, wi mait-a get wan neda chaans fi taak tu dem an dem mait-a aal waahn lisn tu wi dem taim de.