Wachtowa LAIBRI PANLAIN
Watchtower
LAIBRI PANLAIN
Patwa
  • BAIBL
  • BUK AN ADA TINGZ
  • FI DI MIITN DEM
  • lmd lesn 6
  • No Fried Fi Priich

No video available for this selection.

Sorry, there was an error loading the video.

  • No Fried Fi Priich
  • Shuo Piipl Lov—Elp Dem Fi Ton Jiizas Falara
  • Subheadings
  • Similar Material
  • Wa Jiizas Did Du
  • Wa Wi Lorn Fram Wa Jiizas Did Du?
  • Du Laik Wa Jiizas Did Du
  • Elp Wi fi Briev
    “Sing Out” tu Jeuova Wid Jai Iina Yu Aat
Shuo Piipl Lov—Elp Dem Fi Ton Jiizas Falara
lmd lesn 6

WEN WI TAAK TU PIIPL FI DI FOS TAIM

Jiizas a tel Zakiyos fi kom dong outa di chrii an di piipl dem did shak fi si dis.

Luuk 19:1-7

LESN 6

No Fried Fi Priich

Sitn We Yu Kyan Riizn Pan: “Gad gi wi di chrent fi kom tu unu siem wie an kom tel unu di gud nyuuz.”​—1 Tes. 2:2.

Wa Jiizas Did Du

Jiizas a tel Zakiyos fi kom dong outa di chrii an di piipl dem did shak fi si dis.

VIDIYO: Jiizas A Priich Tu Zakiyos

1. Wach di VIDIYO, ar riid Luuk 19:1-7. Den ansa dem kwestiyan ya:

  1. Wa mek som piipl wudn waahn fi av notn fi du wid Zakiyos?

  2. Bot wa mek Jiizas did stil tel im bout di gud nyuuz?

Wa Wi Lorn Fram Wa Jiizas Did Du?

2. Wi no fi fried fi priich di gud nyuuz tu evribadi.

Du Laik Wa Jiizas Did Du

3. Chos iina Jeuova fi elp yu. Gad did yuuz im spirit fi gi Jiizas di chrent we im niid fi priich, an im kyan du di sed ting fi yu tu. (Mat. 10:19, 20; Luuk 4:18) Aks Jeuova fi elp yu fi no fried fi priich tu di piipl dem we yu mait-a fried fi priich tu.​—Aks 4:29.

4. No joj piipl. Wi mait-a fried fi go taak tu sumadi kaaz a ou dem luk, ar wich paat dem kom fram, ar kaaz dem mait-a luk rich ar dem luk tuu puor, ar di kain-a laif we dem a liv, ar di kain-a choch we dem go. Bot memba se:

  1. Jeuova an Jiizas nuo wa de iina piipl aat; wi no nuo.

  2. Jeuova kyan elp enibadi fi chienj fi di beta.

5. Iivn duo wi no fi fried, wi fi stil wach wa wi a du an shuo rispek fi dem. (Mat. 10:16) No bada aagyu wid nobadi. Ef dem no waahn lisn tu wa yu a se ar yu fiil se tingz no sief, fain wan nais wie fi tek we yuself.​—Pr. 17:14.

LUK PAN DEM YA TU

Aks 4:31; Ifii. 6:19, 20; 2 Tim. 1:7

    Buk an Vidio iina Patwa (2019-2025)
    Log Out
    Lag Iin
    • Patwa
    • Sen
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Tingz We Yu Kyan Chienj So Dat Piipl No Si Sortn Tingz
    • JW.ORG
    • Lag Iin
    Sen