Di En Suun Kom So Tan Op Chrang

WA MEK WI MOS DWI’IT: Som tingz suun staat apm we wi neva si bifuo iina wi laif. Dem taim de wi a-go afi shuo se wi chos iina Jeuova muor dan eva. Di fos ting we a-go apm wen di wos sofarieshan staat, a dat aal faalz rilijan a-go get mash op. (Mt 24:21; Re 17:16, 17) Dem taim de wi mait-a afi go tel dem wa a-go apm tu dem an no fried fi dwi’it. (Re 16:21) Afta dat Gog of Magog a-go ton pan wi. (Eze 38:10-12, 14-16) Kaaz a dat, Jeuova, di Gad “we muo powaful dan evribadi” a-go yuuz fi im waar fi get rid a dem. (Re 16:14, 16) So dat wi kyan tan op chrang wen dem tingz ya apm, wi afi du wa Jeuova se wi fi du nou no mata wa.

OU WI FI DWI’IT

• Tan op fi wa Jeuova se rait an dwi’it.​—Isa 5:20

• No tap go miitn go worship wid yu breda an sista dem.​—Iib 10:24, 25

• Kwik fi du eniting we Jeuova aaganaizieshan se.​—Iib 13:17

• Tingk bout ou Jeuova did siev im piipl dem.​—2Pii 2:9

• Prie tu Jeuova an biliiv se im a-go de de fi yu.​—Ps 112:7, 8

WACH DI VIDIYO SOM PAAT FRAM​—TINGZ WE A-GO APM IINA DI FYUUCHA WE WI AFI GO SHUO SE WI NO FRIED AN DEN ANSA DEM KWESTIYAN YA:

• 

  Wen dem did sen di breda an sista dem go a som difrant kanggrigieshan, ou dat di a wan tes fi dem?

• 

  Wen wi du wa Jeuova se wi fi du, ou dat kyan elp wi fi briev?

• 

  Wen Aamagedan kom, wa mek wi a-go niid fi briev?

• 

  Wich wan a di stuori iina di Baibl kyan elp wi fi riili biliiv se Jeuova kyan siev wi?​—2Ch 20:1-24