DI PRESHOS GIF DEM WE DE IINA DI BAIBL | LEVITICUS 4-5
Gi Jeuova Di Bes We Yu Av
5:5-7, 11
Kaa wan Izrelait did puo, dat neehn miin tu se dem kudn gi Jeuova sitn fi mek tingz rait bitwiin dem an im. Iivn di Izrelait dem we puo bad kuda stil gi Jeuova sitn we im wuda tek, az lang az we dem did a gi’im a did dem bes. Dem kuda gi Jeuova flowa, bot Jeuova did stil waahn dem fi gi’im di bes kain-a flowa, di wan we dem wuda gi dem tap-a-tap ges. (Ge 18:6) Nowadiez, Jeuova wi tek eni sakrifais wi sen op gi’im, no mata umoch wi kyan gi az lang az wi gi’im wi bes.—Iib 13:15.
Ef yu kyaahn du laik we yu yuus tu du bifuo kaa yu no so chrang agen, ar yu sik, ou dis kyan elp yu fi fiil beta?