Ou Wi Kyan Shuo Lov Wen Jeuova Ponish Sumadi?

Wen sumadi get put outa di kanggrigieshan, it elp fi kip di kanggrigieshan sief, an it elp fi jraa op di wan dem we du sitn rang an no waahn tap dwi’it. (1Kor 5:6, 11) Wen wi du wa Jeuova se wi fi du wen sumadi get put out, wi shuo se wi lov dem an wi lov im tu. Bot ou dis kyan mek sens wen it ort so moch piipl, laik di fambili dem an di elda dem we miit wid di sumadi we get put out?

Muo dan eniting els, wi shuo se wi lov Jeuova, an wi kier bout wa ada piipl se an tingk bout im an wa im se rait an kliin. (1Pii 1:14-16) Wen wi du dat, wi shuo se wi lov di sumadi we get put out tu. Wen wi get ponish, iivn duo “it at,” it elp wi fi “du di sitn dem we rait, plos it mek wi liv iina piis wid piipl.” (Iib 12:5, 6, 11) Wi a tap wa Jeuova waahn fi apm wen wi av diilinz wid sumadi we im ponish an put outa di kanggrigieshan ar wid sumadi we lef di kanggrigieshan. Memba se wen Jeuova ponish im piipl dem, im dwi’it di rait wie. (Jer 30:11) So wi gwaan du wa Jeuova se wi fi du an riid wi Baibl, an du di ting dem we wi kip wi kluos tu im, an wi no tap uop se di sumadi a-go kom bak tu Jeuova uu a-go shuo dem morsi.​—Isa 1:16-18; 55:7.

WACH DI VIDIYO STIK TU JEUOVA WID AAL A YU AAT, AN DEN ANSA DEM KWESTIYAN YA:

• 

  Ou di mada an faada dem we a Kristiyan fiil wen dem pikni ton dem bak pan Jeuova?

• 

  Ou di breda an sista dem iina di kanggrigieshan kyan elp di fambili memba dem we stil a sorv Jeuova?

• 

  Wich tuori iina di Baibl kyan elp wi fi si wa mek wi fi lov Jeuova an stik tu im muo dan ou wi lov an stik tu wi fambili dem?

• 

  Wa wi kyan du fi shuo se wi lov Jeuova an a stik tu im muo dan wi fambili memba dem?