DI CHREZHA DEM WE DE IINA GAD WOD

Mek Shuor Se Yu Aalwiez A Fain Out Wa Jeuova Waahn Yu Fi Du

Di Izrelait dem did aalwiez a aks Jeuova wa dem fi du (Jg 20:17, 18, 23; w11-E 9/15 32 ¶2)

Di Izrelait dem did staat shuo se dem did riili a chos Jeuova fi elp dem fait gens di piipl dem we neehn av no rispek fiʼim niem (Jg 20:26-28)

Wi fi mek shuor se wi aalwiez a fain out wa Jeuova waahn wi fi du an du tingz fi shuo se wi riili a chos im fi elp wi (Jg 20:35; Lu 11:9; w11-E 9/15 32 ¶4)

Som Picha: 1. Wan breda a riid im Baibl an di buk an pamplet dem we bies pan di Baibl fi si wa Jeuova waahn im fi du. 2. Di breda a taak tu im dakta an a shuo im di kyaad we mek di dakta nuo wa im waahn an wa im no waahn im fi du ef im sik bad.

AKS YUSELF, ‘Wen mi a go chuu mi prablem dem, a Jeuova fos mi go tu fi elp mi? Mi aalwiez a aks Jeuova fi mek mi nuo di rait wie fi diil wid mi prablem dem?’