Wa Wi Kyan Lorn Fram Ou Samwel Did Liv Im Laif?

Samwel did sorv Jeuova fi di wol a im laif. Wen im did a likl bwai, im neehn fala di bad sitn dem we Iilai bwai pikni dem Afnai an Finiyas did a du. (1Sa 2:22-26) Jeuova did de de wid Samwel wen im a gruo til im ton big man. (1Sa 3:19) An wen im get uol, Samwel stil did a du wa Jeuova se im fi du, aal wen fi im uona bwai pikni dem neehn a dwi’it.​—1Sa 8:1-5.

Wa wi kyan lorn fram Samwel? Ef yu a wan yong sumadi, yu kyan shuor se Jeuova si wa yu a go chuu an im nuo ou yu fiil. Im kyan elp yu fi no fried. (Aiz 41:10, 13) Ef yu a wan mada ar wan faada an yu pikni tap sorv Jeuova, it kyan elp yu fi nuo se wen im bwai pikni dem ton big man, Samwel kudn fuos dem fi du wa Jeuova se dem fi du. Im did chos se Jeuova wuda saat out tingz di rait wie. So im gwaan liv im laif di wie ou Jeuova se im fi liv it, so dat im kuda mek Jeuova api. Wen yu pikni si di gud sitn dem we yu a du, it mait-a mek dem waahn kom bak kom sorv Jeuova.

WACH DI VIDIYO WA WI KYAN LORN FRAM DEM?​—SAMWEL, AN DEN ANSA DEM KWESTIYAN YA:

• 

  Wen Samwel did a wan likl bwai, ou im did shuo se im neehn fried fi du wa rait?

• 

  Ou Dani did shuo se im neehn fried fi du wa rait?

• 

  Wen im did op iina iej, ou Samwel did shuo se im a du wa rait?

• 

  Ou Dani mada an faada did shuo se dem a du wa rait?