Aal A Wi Prablem Dem A-Go Don Wan Die

Wen wi a go chuu prablem, speshali wen dem luk laik dem naa go don, it mait-a mek wi fiil taiyad laik se wi waahn fi gi op. Dievid did nuo se di prablem we im did a go chuu wid Saal wuda don wan die, an im wuda ton king jos laik wa Jeuova did se. (1Sa 16:13) Kaa im did chos iina Jeuova, Dievid did wiet pan Jeuova fi elp im wid di prablem dem we im did a go chuu.

Wen wi a go chuu wi prablem dem, wi mait-a nuo som gud tingz we wi kyan du fi mek tingz beta. (1Sa 21:12-14; Pr 1:4) Bot som a di taim, iivn afta wi du evriting we wi kyan du bies pan wa di Baibl se, wi mait-a stil av som a di prablem dem. A dem taim de, wi afi jos iizi wiself an gwaan wiet pan Jeuova. Suun suun, Gad a-go get rid a aal a wi prablem dem, an im a-go ‘waip wi fies an jrai op aal a wi yai waata.’ (Re 21:4) So wi mait-a get rid a di prablem kaaz wi du wa di Baibl se, ar a Jeuova mait-a du sopm fi elp wi. Iida wie, wan ting wi nuo fi shuor a dat aal a wi prablem dem a-go don wan die. An dis kyan elp wi fi fiil beta wen wi a go chuu wi prablem dem.

WACH DI VIDIYO IINA WAN WORL WE PLIT OP PLIT OP, YU AV PIIPL WE A WOK TUGEDA AZ WAN, AN DEN ANSA DEM KWESTIYAN YA:

• Di breda an sista dem we liv iina di sout paat a Merika, wa a som a di prablem dem we dem did a go chuu?

• Ou dem did shuo se dem lov dem wan aneda an dem wilin fi wiet til tingz get beta?

• Wa dem did du fi shuo se dem did a gwaan kip dem yai pan “di sitn dem we rait”?​—Fil 1:10