DI CHREZHA DEM WE DE IINA GAD WOD

Mi A-Go Aalwiez Kier Bout Wa A Gwaan Iina Mi Ous

Jeuova did mek Salaman nuo se im did api wid di plies we im bil fi worship im (2Ch 7:11, 12)

Kaa Jeuova nuo se di plies we dem bil fi worship im bilang tu im, im wuda aalwiez kier bout wa a gwaan iin de (2Ch 7:16; w02 11/15-E 5 ¶1)

Ef di piipl dem did tap worship Jeuova wid aal a dem aat, im wuda mek dem enimi dem kom mash dong di plies we dem bil fi worship im (2Ch 6:14; 7:19-21; it-2-E 1077-1078)

Som picha: Som sitn we yu du wen yu a worship. 1. Wan breda a prie. 2. Wan sista a gi wan ansa a wan a wi miitn dem. 3. Wan ozban an waif de out iina sorvis tugeda. 4. Wan breda a kliin di Kindom aal. 5. Wan breda a du im fambili Baibl stodi wid im waif an dem tuu pikni dem. 6. Wan sista a riid ar Baibl. 7. Wan sista a put moni iina di moni baks.

Wen dem did kip di speshal miitn a Gad ous afta it did don mek, di piipl dem mos did tingk se dem wuda aalwiez worship Jeuova wid aal a dem aat. Bot, likl bai likl, di piipl dem did tap worship im wid aal a dem aat.

AKS YUSELF, ‘Wa mi a du fi shuo se mi a worship Jeuova wid aal a mi aat?’