DIS A OU AAL UU A FALA JIIZAS FI LIV
Dem Wok Aad Fi Sorv Di Wol A Wi
Wen di sorkit uovasiya dem an dem waif a sorv wi, dem shuo umoch dem lov wi. Kaa laik di wol a wi, somtaim dem fiil schres out ar somtaim dem mait-a fiil taiyad ar laik dem waahn gi op. Ar dem mait-a no av sortn tingz we dem niid. (Jmz 5:17) Bot evri wiik, dem fuokos pan ou dem kyan elp di breda an sista dem iina di difrant difrant kanggrigieshan dem we dem go go vizit. Unu si wa mek wi mos “ana an rispek” wi sorkit uovasiya dem?—1Ti 5:17.
Wen di apasl Paal did lain op tingz fi go a Ruom fi go vizit di kanggrigieshan, im did a go de so dat dem kuda ‘bil op dem wan aneda’ an so dat im kuda shier wid dem ‘di sitn dem we Gad Spirit shuo im.’ (Ruo 1:11, 12) Yu eva tingk bout wa yu kyan du fi bil op yu sorkit uovasiya an im waif ef im marid?
WACH DI VIDIYO OU DI SORKIT UOVASIYA VIZIT GO WEN IM GO A DI KONCHRI KANGGRIGIESHAN DEM, AN DEN ANSA DEM KWESTIYAN YA:
Ou di sorkit uovasiya dem an dem waif shuo se dem lov di kanggrigieshan dem bad?
Tel wi ou di sorkit uovasiya dem an dem waif elp yu.
Ou di wol a wi kyan elp fi bil op di sorkit uovasiya dem an dem waif?