Yu Kyan Du Tingz Fi Mek Yu Fambili Riili Api

Jeuova waahn yu an yu fambili fi api. (Ps 127:3-5; Ec 9:9; 11:9) Bot som a di taim, wi mait-a av prablem kaaz a sitn we sumadi iina di fambili du ar kaaz a di schres an prablem dem we wi afi go chuu. Wa evribadi iina di fambili kyan du fi mek di fambili riili api?

Wan ozban fi rispek im waif an chriit ar gud. (1Pii 3:7) Im no fi tuu bizi so til im naav no taim fi ar. Im no fi tuu aad pan ar, an im fi aalwiez tangk ar fi aal a di gud sitn dem we shi a du fi im an di fambili. (Kol 3:15) Im big ar op an mek shi nuo umoch im lov ar.​—Pr 31:28, 31.

Wan waif fi aalwiez shuo se shi av ar ozban bak. (Pr 31:12) Shi fi ‘lisn tu ar ozban, rispek im an nuo se a im inchaaj’. (Kol 3:18) Shi taak tu im nais, an taak gud tingz bout im tu ada piipl.​—Pr 31:26.

Di mada an faada dem fi av taim fi dem pikni dem. (De 6:6, 7) Dem fi tel dem pikni dem umoch dem lov dem. (Mt 3:17) Dem fi shuo se dem lov dem, aal wen dem afi punish dem. An dem fi chrai fi andastan dem tu.​—Ifii 6:4.

Di pikni dem fi av nof rispek fi dem mada an faada an dem fi du wa dem se. (Pr 23:22) Dem fi mek dem mada an faada nuo ou dem riili fiil. Wen dem mada an faada ponish dem, dem fi stil shuo dem se dem rispek dem.​—Pr 19:20.

WACH DI VIDIYO WOK FI MEK YU FAMBILI RIILI API, AN DEN ANSA DA KWESTIYAN YA:

Wa evribadi iina di fambili did du fi mek di fambili api?